ბრიტანეთის ვიზა

1. სტუმრის (Standard Visitor) ვიზა:

• ეს არის ყველაზე გავრცელებული ვიზის ტიპი, რომელიც განკუთვნილია მოკლევადიანი ვიზიტებისთვის.
• მიზანი: ტურიზმი, ოჯახის/მეგობრების მონახულება, მოკლევადიანი საქმიანი შეხვედრები, კონფერენციებზე დასწრება, მოკლევადიანი სასწავლო კურსები (6 თვემდე), სამედიცინო მკურნალობა.
• მოქმედების ვადა: როგორც წესი, 6 თვე (შესაძლებელია მოითხოვოთ უფრო ხანგრძლივი ვადაც, თუკი არსებობს დასაბუთებული მიზეზი და წარსული მოგზაურობის ისტორია).
• შესვლა: შეიძლება იყოს ერთჯერადი ან მრავალჯერადი (მულტი), ვიზის მოქმედების ვადის ფარგლებში.

2. სტუდენტური ვიზა . (Student Visa / Child Student Visa):

• განკუთვნილია მათთვის, ვისაც სურს გაერთიანებული სამეფოს საგანმანათლებლო დაწესებულებაში სწავლა.
• მოთხოვნები: მიღების დადასტურება ლიცენზირებული სასწავლო დაწესებულებიდან (CAS – Confirmation of Acceptance for Studies), საკმარისი ფინანსები სწავლისა და ცხოვრების ხარჯების დასაფარად, ინგლისური ენის ცოდნის დადასტურება (IELTS ან სხვა აღიარებული ტესტი).

3.სამუშაო ვიზა (Work Visas):

• არსებობს სხვადასხვა ტიპის სამუშაო ვიზა (მაგალითად, Skilled Worker visa, Global Talent visa), რომელიც განკუთვნილია მათთვის, ვისაც გაერთიანებულ სამეფოში დასაქმება სურს.
• მოთხოვნები: სპონსორობის სერტიფიკატი (Certificate of Sponsorship) ბრიტანული კომპანიისგან, ინგლისური ენის ცოდნა, საკმარისი ფინანსები.

4.ოჯახური ვიზა (Family Visas):

• განკუთვნილია გაერთიანებული სამეფოს მოქალაქეებთან ან მუდმივ რეზიდენტებთან ოჯახის გაერთიანებისთვის.